तिळगुळ घ्या गोड बोला | HAPPY MAKAR SANKRANTI

 अ - इकडे ये हे घे ...   तिळगुळ घ्या गोड बोला !

ब  - काय एवढ्यासाठी बोलवतो , मी नेहमी गोडच बोलतो .खरी गरज तर क ला आहे त्याला दे 

क - गोड बोलायचं तर त्यात काय विशेष आणि हे तिळगुळ कशाला ?

अ - तू कधी कॉर्पोरेट ट्रेनिंग किंवा सॉफ्ट स्किल सेशन अटेंड केले आहे का ?

दोघेही हो केले कि .

अ - मग हे तेच तर आहे Ice Braker , बोलायला सुरुवात करण्यासाठीचे एक निमित्त 

ब - काही पण 

अ - हे बघ जेव्हा बऱ्याच दिवसांनी आपण भेटतो तेव्हा असेच काही तरी विषय सुरु करण्यासाठी बोलत असतो आणि गोड पदार्थ सर्वांनाच आवडतो म्हणून हा सण , थोडीच चॉकलेट दिली पाहिजेतएक तीळ सात जणांनी वाटून घेतो आपण आता तर सगळा लाडू देतोय .. 

क - उगी काही तरी ढील नको देऊ , 

ब - अरे हे तर ट्रेनिंग चे खरे आहे असेच गेम्स शिकवतात .  जेणेकरून अनोळखी लोकांशी आपण मोकळे पणाने बोलू शकू . आणि सेल्स आणि मार्केटिंग मध्ये तर हटकून गोड म्हणजे चांगले बोलावेच लागते. 

अ - बघ ! मग हळू हळू माणूस बोलता होता.  आणि तिळगुळ या थंडीच्या वातावरणात आपल्या शरीराला आवश्यक असणारी उष्णता देण्याचं काम करतात. 

ब - एका दिवसांनी असे काय होणारे 

अ - अरे मग रोज गोड बोलायला काय हरकत आहे ? आणि त्या साठी तर हे वर्ष तृणधान्य वर्ष (Millet year )म्हणून साजरे करायचे युनो ने ठरवले आहे 

क - याच्या तोंडात तीळ भिजेल तर शप्पथ , कुठले कुठे जोडतो 

अ - अरे असे जे पदार्थ आहेत ते आपण विसरून चाललो आणि आवश्यक पोषण तत्वे गोळ्या स्वरूपात घ्यावी लागतात त्यामुळे नैसर्गिक स्वरूपात जर असे पदार्थ खाल्ले तर जास्त फायद्याचे 

ब- हो हे पटतंय मला, व्हिटॅमिन आणि इतर पोषण मूलद्रव्ये कमी असल्यामुळेच सारखे आपण आजारी पडत असतो

क - त्यानिमित्ताने शेतकऱ्यांना सुद्धा चांगला भाव मिळेल , आणि ते जास्त प्रमाणात पीक घेतील , ज्वारी बाजरी नाचणीचे . 

अ - म्हणजे आरोग्याचे आणि समृद्धीचे दार असे तिळा तिळाने उघडणार तर . 

ब - हो पण माणूस बोलेलच कशावरून , त्यापेक्षा मेसेज टाकून देऊ एक फोनवर 

अ - खाणार कसे तू तो तिळगुळ ते सांग आणि नाही बोलत असेल तर कशाला उगीच तिळाला बोल लावायचा द्यायचे सोडून आणि जे बोलतात त्यांच्याशी तरी आपण बोलू शकतो 

क - हा घ्या तिळगुळ आणि करू नका चुळबुळ .