मेनू बद्दल माहित नसलेल्या गोष्टी | INTERESTING FACTS ABOUT MENU

आज जो आपण मेनू पाहतो याची एक सोपी व्याख्या आहे ती म्हणजे पदार्थांची यादी !

याची सुरुवात ब्रिटन च्या राजाने केली. तिथे जेवणासाठी खूप सारे पदार्थांची रेलचेल असे आणि सर्व पदार्थ माहित असणे अशक्य व्हायचे तर त्यांनी एक युक्ती केली , जेवढे पदार्थ आहेत त्याची एक यादी बनवून त्यानुसार ठरवायचे की कोणते पदार्थ घ्यायचे जेणेकरून आवडीचे पदार्थ खाण्याकरिता नियोजन करणे सोपे जाईल. यात सुधारणा होत होत आजचा सर्व ठिकाणी दिसणारा मेनू तयार झाला. 

हॉटेल इंडस्ट्री मध्ये प्रचलित असणारा मेनू हा आधी १७ कोर्स असणाऱ्या फ्रेंच क्लासिकल सिक्वेन्स म्हणून ओळखला जातो ज्यात प्रत्येक कोर्स मध्ये  विविध प्रकारच्या पदार्थांचा पर्याय असतो त्यामुळे एकूण पदार्थ ३४पेक्षा जास्त आणि त्यासोबत येणारे पदार्थ तर वेगळेच अशी भरगच्च मेजवानी असते त्याकरिता आपली भूक राखून ठेवणे क्रमप्राप्त आहे.एवढे सगळे खाणे आणि त्यासोबत wine अथवा इतर ड्रिंक्स चा आस्वाद घ्यायचा म्हणले तर किमान २-३तास पाहिजेत. 

उत्तरोत्तर एवढा वेळ आता कोणापाशी नाही त्यामुळे यातील बरेचसे कोर्सेस एकत्रित करून सुटसुटीत पर्याय तयार झाले आहेत आठवून पहा रेस्टॉरंट मध्ये गेल्यानंतर आपण कशी ऑर्डर देतो ते.  सूप आणि एखादा कुरकुरीत पदार्थ आपण स्टार्टर या कोर्स मध्ये येतो तर जे काही मुख्य जेवणाकरिता साठी व्हेज आणि नॉन-व्हेज मागवतो तो मेन कोर्स असतो याच्या बरोबर इंडियन ब्रेड आणि भाताचे प्रकार दिले जातात. आणि सर्वात शेवटी एखादा गोड पदार्थ घेतो. हा झाला ३ कोर्स मेनू यात व्हेज आणि नॉन-व्हेज पर्याय शक्य तिथे असतात. त्यामुळे ऑर्डर देताना आधीचे मेनूच्या संदर्भात सांगितलेले मुद्दे लक्षात ठेवले तर जेवणाचा बेस्ट अनुभव आपल्याला मिळून जाईल. 

यात त्या दिवसाची स्पेशल डिश जर एखादा महत्वाचा दिवस असेल तर ती रेस्टॉरंट जातानाच आपल्याला बोर्डवर दिसते अथवा टेबलवर त्याचे कार्ड ठेवलेले असते. याच्या बरोबरीने संपूर्ण मेनू सुद्धा स्पेशली त्या थीम अथवा काही काळापुरता असतो जो त्या थीमच्या अनुसार दिला जातो. 

बऱ्याचदा आपण घरी केलेले पदार्थ सुद्धा वरील मेनू सारखे प्लॅन केलेले असतात त्याच्या बरोबर जर वेगवेगळे प्लेट , बाउल याचा वापर करून जर ते दिले तर घरी आलेले पाहुणे देखील खुश होतील .